საკონტაქტო ინფორმაცია

სს „ექსტრა არეა“

ს/ნ 402129763

მისამართი: ქ. თბილისი, პეკინის გამზ. 41, მე-3 სართული

ტელეფონის ნომერი:

ელ ფოსტა:

პლატფორმის გამოყენების წესები და პირობები

წინამდებარე დოკუმენტი ადგენს პლატფორმის გამოყენების წესებსა და პირობებს და პლატფორმის მომხმარებლის უფლებებს. ამასთანავე, მომხმარებლის მიერ შეკვეთის განთავსების შემთხვევაში, იგი წარმოადგენს ხელშეკრულებას მომხმარებელსა და კომპანიას შორის.

ძირითადი ტერმინების განმარტება

წინამდებარე დოკუმენტში მოცემულ ტერმინებს აქვთ შემდეგი მნიშვნელობა:

პლატფორმა - ელექტრონული ვაჭრობის პლატფორმა ვებ-საიტი www.market.extra.ge და აპლიკაცია MOITANE;

საქონელი - პლატფორმის საშუალებით შემოთავაზებული პროდუქცია;

მომხმარებელი - ნებისმიერი პირი, რომელიც სარგებლობს წინამდებარე პლატფორმით, მათ შორის პლატფორმის ვიზიტორები, ფიზიკური პირები რომლებიც ათავსებენ შეკვეთას და მომსახურების მიმღებნი;

კომპანია - პმოვაჭრე, პლატფორმის მესაკუთრე და კანონიერი განმკარგავი სს „ექსტრა არეა“ ს/ნ 402129763;

მოიტანე - ექსტრას ბიზნეს პროექტი „მოიტანე“.

შესავალი

კომპანია პლატფორმის საშუალებით მომხმარებლებს აძლევს საშუალებას შეიძინონ საქონელი და მიიღონ იგი იმავე დღეს სახლიდან გაუსველად. წინამდებარე დოკუმენტის მიზანია, შექმნას მკაფიო მოლოდინები მომხმარებლებისთვის: მიწოდების, დაბრუნების, თანხის დაბრუნების, გადახდების და მომხმარებელთა სხვა უფლებებისა და ვალდებულებების შესახებ.

მომხმარებლის ანგარიში

• მოიტანეს მომსახურებით სრულყოფილად სარგებლობისთვის აუცილებელია გაიაროთ ავტორიზაცია ტელეფონის ნომრის გამოყენებით.
• ავტორიზაციამდე მომხმარებელი უნდა დარწმუნდეს, რომ აღნიშნულით არ ირღვევა საქართველოს კანონმდებლობა და მესამე პირთა უფლებები.
• პლატფორმაზე ზოგიერთი პროდუქტის შეძენა დასაშვებია მხოლოდ სრულწლოვანი პირების მიერ. შესაბამისად, ზოგიერთი შეკვეთის განსათავსებლად შესაძლოა საჭირო იყოს მშობლის ან მეურვის ჩართულობა, თუ მომხმარებელი არის არასრულწლოვანი.
• კომპანია უფლებას იტოვებს დამატებით მოთხოვოს მომხმარებელს პლატფორმაზე მითითებული მონაცემების სიზუსტის დადასტურება. მომხმარებლის მონაცემები დამუშავდება კომპანიის კონფიდენციალურობის პოლიტიკისა და კანონმდებლობის შესაბამისად.
• ანგარიშის დეტალების უსაფრთხო შენახვაზე პასუხისმგებლობა ეკისრება მომხმარებელს. იმ შემთხვევაში თუ მომხმარებელს აქვს ეჭვი, რომ მესამე პირს აქვს მისი ანგარიშის დეტალები, მომხმარებელი ვალდებულია დაუყონებლივ შეცვალეს იგი ან დაუკავშირდეს კომპანიას.
• მომხმარებლის მიერ საქართველოს კანონმდებლობის ან წინამდებარე დოკუმენტის უხეშად დარღვევის შემთხვევაში კომპანია უფლებას იტოვებს გააუქმოს მომხმარებლის ანგარიში.

შეკვეთა

• მოიტანეზე შეკვეთის განთავსება მხოლოდ ავტორიზებულ მომხმარებლებს შეუძლიათ. შეკვეთის გასაკეთებლად მომხმარებელი უნდა მიჰყვეს პლატფორმის ინსტრუქციას.
• შეკვეთის საბოლოოდ განთავსებამდე მომხმარებელს შესაძლებლობა აქვს დააიდენტიფიციროს შეკვეთის განთავსებისას დაშვებული შეცდომა (არსებობის შემთხვევაში) და გამოასწოროს იგი.
• მომხმარებლის მიერ შეკვეთის ელექტრონული ფორმით განთავსებისას, პლატფორმის საშუალებით ხორციელდება მომხმარებლის ინფორმირება, რომ შეკვეთა განთავსებულია.
• კომპანია უფლებას იტოვებს გააუქმოს შეკვეთა, როცა არსებობს შეკვეთის გაუქმების ობიექტური საფუძველი, მაგალითად თაღლითური შემთხვევა, პროგრამული, ტექნიკური ხარვეზები და სხვა.

გადახდის მეთოდები

მოიტანეზე შეკვეთის ღირებულების გადახდა შესაძლებელია რამდენიმე გზით:

• საქართველოს ტერიტორიაზე მოქმედი ბანკების ბარათით გადახდა.
• ანგარიშსწორებით კურიერთან.

მიტანის სერვისი

• კომპანია ახორციელებს საყოფაცხოვრებო პროდუქციის მიწოდების სერვისს, რომელიც ანაზღაურების სანაცვლოდ აწვდის მომხმარებელს მის მიერ სისტემაში შეძენილ სასურველ პროდუქტს;
• კომპანია არ განსაზღვრავს შეკვეთის მინიმალურ ღირებულებას;
• შეკვეთის მიწოდება ხორციელდება შეკვეთის განთავსებიდან 45 (ორმოცდახუთი) წუთის განმავლობაში;
• დათქმულ დროში შეკვეთის ადგილზე მიტანა შესაძლებელია ვერ განხორციელდეს განსაზღვრული პირობების დადგომისას: (ა) უამინდობის, საგზაო მოძრაობის ან სხვა გაუთვალისწინებელი შემთხვევის დადგომის შემთხვევაში; (ბ) დიდი მოცულობის შეკვეთის შემთხვევაში.
• მომხმარებელი ვალდებულია: (ა) შეკვეთის ჩაბარების დროს შეამოწმოს შეკვეთა და წუნის აღმოჩენის შემთხვევაში არ ჩაიბაროს იგი, აღნიშნულ ფაქტთან დაკავშირებით პრეტენზია გამოთქვას კომპანიის კურიერის წინაშე ან/და დაუკავშირდეს კომპანიის ოფისს. (ბ) მომხმარებლის მიერ შეკვეთის ჩაბარება გულისხმობს, რომ იგი ეთანხმება პროდუქციის ხარისხს და მას არ გააჩნია პრეტენზია შეკვეთაზე. შესაბამისად market.extra.ge იხსნის ვალდებულებას პროდუქტთან დაკავშირებულ წუნსა თუ ხარვეზზე; (გ) იმ შემთხვევაში, თუ ზედაპირული დათვალიერებისას მომხმარებელმა ვერ შეამჩნია შეკვეთაზე არსებული წუნი, ხოლო პროდუქტის გახნის შემდეგ იგი აღმოჩნდება გამოუყენებადი მოხმარების მიზნებისათვის (ვადაგასული, დაზიანებული, არავარგისი), კომპანია უკან დაიბრუნებს ასეთ პროდუქტს ან განახორციელებს მისი ანალოგიური პროდუქტით ჩანაცვლებას;
• პლატფორმაზე განთავსებული პროდუქტის ფოტოსურათი შესაძლოა არ იყოს რეალური პროდუქტის ზუსტი ამსახველი.
• ასაწონი პროდუქტების შეკვეთის შემთხვევაში, წონაში შესაძლოა დაფიქსირდეს +-5%-იანი სხვაობა. იმ შემთხვევაში, თუ სხვაობა აღემატება აღნიშნულ პროცენტს, კომპანია ნაღდი ანგარიშსწორების საფუძველზე აუნაზღაურებს მომხმარებელს არსებულ სხვაობას;
• ალკოჰოლური სასმელების და თამბაქოს შეძენის შემთხვევაში, გამოიყენება “თამბაქოს კონტროლის შესახებ” საქართველოს კანონითა და “მავნე ზეგავლენისაგან არასრულწლოვანთა დაცვის შესახებ” საქართველოს კანონით გათვალისწინებული სპეციალური ნორმები.
• კომპანია ვალდებულია დროულად ჩააყენოს მომხმარებელი საქმის კურსში: (ა) გამომდინარე იქიდან, რომ კომპანიას არ აქვს საკუთარი მარაგები და დამოკიდებულია კონკრეტული გამყიდველის მარაგებზე, შეკვეთის დროს შესაძლოა მომხმარებლის მიერ მოთხოვნილი პროდუქციის სახეობა ან/და რაოდენობა არ იყოს მარაგში. ასეთ დროს, კომპანია ვალდებულია მოხმარებელს შესთავაზოს ჩანაცვლება სხვა პროდუქტ(ებ)ით ან ამოიღოს აღნიშნული პროდუქტ(ებ)ი შეკვეთიდან და მომხმარებელს უკან დაუბრუნოს პროდუქტში გადახდილი თანხა. (ბ) მომხმარებელს უფლება აქვს მთლიანად გააუქმოს შეკვეთა და მოითხოვოს გადახდილი თანხის სრული ოდენობით უკან დაბრუნება, მოთხოვნიდან არაუგვიანეს 2 (ორი) საბანკო დღისა.
• კომპანიის მიერ ინფორმაციის განახლება პროდუქციის ფასებზე, წონასა და მარაგებზე ხორციელდება დღეში ერთხელ ან რამდენიმეჯერ. შესაბამისად, მომხმარებლის მიერ შეკვეთისათვის გადახდილი თანხა ვალიდურია მხოლოდ კონკრეტული შეკვეთისათვის. პროდუქციის შეძენის შემდგომ ფასის ცვლილების შემთხვევაში, შემძენს გადახდილ თანხასა და ახალ ფასს შორის სხვაობა არ უნაზღაურდება.
• მომხმარებლის მიერ პროდუქციის ჩაუბარებლობის შემთხვევაში, რეალიზებული პროდუქციის სპეციფიკის გათვალისწინებით, შესაძლებელია პროდუქციის კომპანიისთვის სრული ან ნაწილობრივი დაბრუნება. პროდუქციის ხარისხსა და ვარგისიანობაზე პასუხისმგებლობა ეკისრება კომპანიას. გამყიდველი ასევე პასუხს აგებს უხარისხო შეფუთვით გამოწვეული ზიანისათვის და ეკისრება ხარჯების ანაზღაურების მოვალეობა.

კანონისმიერი გარანტია

• კანონისმიერი გარანტიის პირობები ვრცელდება მხოლოდ იმ მომხმარებლებზე, რომლებიც არიან ფიზიკური პირები.
• თუ საქონელი ნაკლის მქონე აღმოჩნდა, მომხმარებელს უფლება აქვს, მოვაჭრეს მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.
• საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, მოვაჭრეს მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.
• საქონელი შეკეთებული ან შეცვლილი უნდა იქნეს გონივრულ ვადაში, ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა.
• საქონლის უსასყიდლოდ შეკეთება ან შეცვლა გულისხმობს მოვაჭრის მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად.
• მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:
  • საქონლის შეკეთება ან შეცვლა შეუძლებელია;
  • მოვაჭრემ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;
  • გამყიდველის მოვაჭრის მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.
• მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.
• მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.
• იმის განსაზღვრისას, თუ რამდენად არათანაზომიერია ან შეუსაბამოდ დიდია ხარჯი, გათვალისწინებული იქნება შემდეგი პირობები:
  • საქონლის ან მომსახურების ფასი მისი ხელშეკრულებით გათვალისწინებულ პირობებთან შესაბამისობის შემთხვევაში;
  • საქონლის ან მომსახურების ხელშეკრულებით გათვალისწინებულ პირობებთან შეუსაბამობის ხარისხი;
  • საქონლის ნაკლის მომხმარებლისთვის შეფერხების შექმნის გარეშე აღმოფხვრის ალტერნატიული შესაძლებლობა.
• მომხმარებელს უფლება აქვს, ისარგებლოს ზემოხსენებული უფლებებით, თუ საქონლის ნაკლი საქონლის მისთვის გადაცემიდან 2 წლის განმავლობაში აღმოჩნდა.
• თუ მომხმარებელმა საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ, საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი მოვაჭრეს ეკისრება. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება.

მომსახურებასთან დაკავშირებული გარანტიები

• კომპანია იღებს ვალდებულებას, რომ გაუწევს მომსახურებას მომხმარებელს საქართველოს კანონმდებლობის შესაბამისად. მომსახურებაში იგულისხმება ნებისმიერი მომსახურება, რომელსაც კომპანია უწევს მომხმარებელს, მათ შორის საკურიერო მომსახურება.
• იმ შემთხვევაში თუ გაწეული მომსახურეობა არის ნაკლიანი ან გადაცილებულია ვადა, მომხმარებელმა უნდა განუსაზღვროს კომპანიას მომსახურების გაწევის/ნაკლის აღმოფხვრის გონივრული დამატებითი ვადა, გარდა იმ შემთხვევისა, როდესაც ეს, მომსახურების ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს, როგორც ეს გათვალისწინებულია კანონმდებლობით.
• დამატებითი ვადის უშედეგოდ გასვლის შემთხვევაში მომხმარებელს უფლება აქვს:
  • მოვაჭრის ხარჯით მომსახურების გაწევა ან ნაკლის აღმოფხვრა სხვა პირს შესთავაზოს.
  • მოითხოვოს მომსახურების ფასის ადეკვატური შემცირება.
  • უარი თქვას ხელშეკრულებაზე და მოითხოვოს ზიანის ანაზღაურება საქართველოს კანონმდებლობით დადგენილი წესით.
• დამატებითი ვადის განსაზღვრა სავალდებულო არ არის, თუ აშკარაა, რომ ამას არავითარი შედეგი არ ექნება, ან მომხმარებელმა ხელშეკრულების შესრულება მომსახურების დროულად მიღებას დაუკავშირა.
• თუ მოვაჭრემ დროულად არ დაიწყო მომსახურების გაწევა ან მომსახურების პროცესი უსაფუძვლოდ ჭიანურდება, რაც მომსახურების დათქმულ ვადაში გაწევას შეუძლებელს ხდის, მოვაჭრეს არ აქვს უფლება, მოითხოვოს მომსახურების პროცესში გაწეული ხარჯების ანაზღაურება, აგრეთვე გაწეული მომსახურების საზღაური, თუ მომხმარებელმა ხელშეკრულების ნაწილობრივი შესრულებისადმი ინტერესი დაკარგა.
• კომპანია უზრუნველყოს საგარანტიო მომსახურების გაწევას თავად ან პარტნიორი კომპანიის საშუალებით. მისამართზე სერვის ცენტრის ცრუ გამოძახება ანაზღაურდება მომხმარებლის მიერ. ცრუ გამოძახების ღირებულება ტრანსპორტირების გათვალისწინებით შეადგენს 30 (ოცდაათ) ლარს.

საქონლის დაბრუნების პოლიტიკა

„მომხმარებლის უფლებების დაცვის შესახებ“ საქართველოს კანონის მე-13 მუხლის თანახმად, მომხმარებელს უფლება აქვს, ყოველგვარი საფუძვლის მითითების გარეშე თქვას უარი ხელშეკრულებაზე და უკან დააბრუნოს საქონელი 14 კალენდარული დღის განმავლობაში, რომელიც აითვლება საქონლის მიღებიდან.

აღნიშნული მოთხოვნის სარგებლობისთვის მომხმარებელი ვალდებულია შეავსოს საქონლის დაბრუნების ფორმა და გამოგზავნოს იგი შემდეგ მისამართზე: info@extra.ge

საქონლის დაბრუნების ფორმა

ა) შეკვეთის თარიღი;

ბ) შეკვეთის მიღების თარიღი;

გ) მომხმარებლის სახელი;

დ) მომხმარებლის მისამართი;

ე) მომხმარებლის ხელმოწერა (თუ ფორმა ქაღალდზეა შევსებული)

ვ) ფორმის შევსების თარიღი.

ინტელექტუალური საკუთრების უფლება

• მომხმარებელმა არ უნდა განახორციელოს ისეთი ქმედება, რაც ხელყოფს პლატოფრმის ან ნებისმიერი მესამე მხარის მფლობელობაში არსებული ინტელექტუალური საკუთრების უფლებებს. პლატფორმის კონტენტის ნებისმიერი რეპროდუქცია, განცხადება, გავრცელება ან ხელახლა გავრცელება, სრულად ან ნაწილობრივ, ნებისმიერი საშუალებით (მათ შორის, ქეშირება, შექმნა), გაყიდვა, გადაყიდვა, განმეორებითი გადაცემა ან მესამე მხარეებისთვის არ არის დაშვებული. იმ შემთხვევაში, თუკი შესაძლებელია მომსახურების ფარგლებში რაიმე მასალის გადმოწერა ან ბეჭდვა, მაშინ ასეთი მასალის გადმოწერა შესაძლებელია მხოლოდ ერთ აპარატზე (და შესაძლებელია წერილობით ფორმაში ბეჭდვა) და მხოლოდ თქვენი პერსონალური, არაკომერციული მიზნით გამოყენებისთვის.

პლატფორმის პასუხისმგებლობის შეზღუდვა

• კომპანია არ იძლევა გარანტიას, რომ პლატფორმა იქნება მუდმივად ხელმისაწვდომი ან/და ყოველთვის იმუშავებს შეფერხების გარეშე, თუმცა, პასუხს აგებს პლატფორმის გაუმართაობით გამოწვეული ზიანისათვის, რომლითაც დაირღვა „მომხმარებლის უფლებების შესახებ“ საქართველოს კანონითა და „ელექტრონული კომერციის შესახებ“ საქართველოს კანონით გათვალისწინებული მომხმარებლის უფლებები.

დავა/კანონმდებლობა

• მომხმარებელსა და კომპანიას შორის ურთიერთობა რეგულირდება საქართველოს კანონმდებლობის შესაბამისად.
• პრეტენზიის არსებობის შემთხვევაში მომხმარებელი უფლებამოსილია მიმართოს კომპანიას წერილობით შემდეგ მისამართზე info@extra.ge ან ქ. თბილისი, პეკინის გამზ. 41, მე-3 სართული. პრეტენზიის მიღებიდან არაუმეტეს 14 (თოთხმეტი) კალენდარული დღის ვადაში კომპანია განიხილავს მას და დაუბრუნდება მომხმარებელს უკუკავშირით.
• ნებისმიერი დავა გადაწყდება მოლაპარაკების გზით. იმ შემთხვევაში თუ მოლაპარაკება იქნება წარუმატებელი, მომხმარებელი უფლებამოსილია მიმართოს სსიპ - საქართველოს კონკურენციის და მომხმარებლის დაცვის სააგენტოს (დავის შინაარსის გათვალისწინებით) ან პირდაპირ სასამართლოს.

ცვლილებები/დამატებები

• წინამდებარე დოკუმენტი შესაძლოა შეიცვალოს ცალმხრივად, კომპანიის ინიციატივით ნებისმიერ დროს, რომლის შესახებაც ინფორმაცია ავტორიზებულ მომხმარებლებს უნდა ეცნობოთ გონივრული ვადით ადრე, პირად კაბინეტში სავალდებულოდ გასაცნობი შეტყობინების სახით ან სმს შეტყობინებით.